ЕУ ИТНО ГИ ПОВЛЕКУВА ПРОИЗВОДИТЕ КОИ ГИ КОРИСТИМЕ: Содржат штетни состојки, одлуката предизвика гнев во јавноста
ЕУ воведува забрана за производи кои содржат премногу микропластика, бидејќи се штетни за животната средина.
Производите што содржат премногу микропластика се оценети како штетни за животната средина и ќе бидат повлечени од продажба од 15 октомври. Спроведувањето на новата регулатива на ЕУ предизвикува голема огорченост на социјалните мрежи, пишуваат германските медиуми, а пренесува магазинот Феникс.
Регулативата на ЕУ ги вклучува сите синтетички полимерни честички под 5 милиметри кои се органски, нерастворливи и тешко се распаѓаат. Микропластиката најмногу се користи во овие производи: сјај, козметички производи, детергенти за перење, производи за чистење, играчки, ѓубрива, производи за заштита на растенијата, лекови
Забраната сега првенствено се однесува на сјајот и козметичките производи што содржат микромонисти. Тоа се мали пластични топчиња кои се користат, на пример, за пилинг на кожата. Исто така, микропластиката се користи на вештачки спортски површини. Според Европската комисија, ова е најголемиот извор на намерно користена микропластика во животната средина.
„Забраната на намерно додадена микропластика ќе реши сериозен проблем за животната средина и здравјето на луѓето. Микропластиката се наоѓа во океаните, реките и на копното, како и во храната и водата за пиење. Ова ограничување влијае на многу мали честички, но е голем чекор кон намалување на акцијата на загадувањето предизвикано од човекот“, вели еврокомесарот за животна средина.
