ЕУ го повикува светот да се откаже од фосилните горива
Нацрт-документот на ЕУ сугерира дека речиси 200-те земји кои на претходниот самит за климата на ОН ветија постепено укинување на енергијата од јаглен треба да одат чекор понатаму.
Во понеделник земјите-членки на Европската унија заеднички ќе повикаат на постепено напуштање на фосилните горива во светот, пренесува Ројтерс.
Нацрт-документот на ЕУ, на кој се повикува Ројтерс, сугерира дека скоро 200 земји кои се обврзаа постепено да ја укинуваат енергијата од јаглен на претходниот самит на Обединетите нации за климата треба да одат чекор понатаму.
Според овој документ, сите фосилни горива што испуштаат јаглерод диоксид, вклучително и нафта и гас, треба постепено да бидат исфрлени.
Овој нацрт користи потешки зборови во споредба со претходниот нацрт, кој експлицитно не споменуваше „постапно исфрлање“. Според европските дипломати, Германија и Данска стојат зад оваа промена.
Некои земји-членки на Европската унија се незадоволни од деловите од текстот кои зборуваат за промовирање на енергија од обновливи извори и обидите на ЕУ да престане да користи руски гас.
Можно е поради овие несогласувања да се одложи усвојувањето на нацртот, велат од агенциите.
