ЕСМ вонредно повлекол струја од европската мрежа поради нагло паѓање на температурата
АД ЕСМ извести дека бил принуден да направи дебаланс и вонредно да повлкече електрична енергија од европската мрежа поради пад на температурите.
Електрани на РСМ направиле отстапување од 820 мегаватчасови. Кусок на енергија се појавил еден ден поради голем пад на температурите и зголемена потрошувачка на струја.
„Вкупната потрошувачка на електрична енергија на домаќинствата и малите потрошувачи (ЕВН Хоме) и дополнителните снабдувања кои ги врши АД ЕСМ преку ЕСМ Продажба, во неделата 5 февруари 2023г драстично се зголеми поради наглиот и голем пад на температурата во вечерните часови споредено со претходните денови.
Потрошувачката во саботата 4 февруари изнесуваше 18.948MWh, додека во неделата се искачи на 22.331MWh.
Поради скокот на потрошувачката, која ги надмина и номинираните количини од ЕВН Хоме, од страна на АД ЕСМ пласирани се 1045 MWh системски услуги со терциерна резерва и регистриран е кусок од околу 820 MWh.
Сите други денови АД ЕСМ работи во рамките на нормалните граници на снабдување“, извести ЕСМ.
Од таму додаваат дека во моментот снабдувањето е по планот.
„Нагласуваме дека повлекувањето енергија од европската мрежа е всушност утврден балансен механизам согласно правилник кој важи во цела интерконективно поврзана Европа“, дополни компанијата.
