ЕСМ ОСТАНУВА ПОД ВЛАДАТА, МЕПСО ОДИ КАЈ МИНИСТЕРСТВОТО ЗА ЕНЕРГЕТИКА – министерката Божиновска открива детали
Не може под исто министерство да биде производството на струја и дистрибуцијата, вели министерката за енергетика, рударство и минерални суровини, Сања Божиновска, во интервју за Радио Слободна Европа.
Таа вели дека зимава се најмногу фокусирани на обезбедување на електрична енергија за граѓаните. Владата и министерството имаат краткорочни и долгорочни стратегии. Краткорочните се фокусирани на РЕК „Битола“ и снабдување со јаглен и ангажирање на сите енергетски капацитети. Во долгорочните спаѓа правање на нови капацитети.
Бидејќи во изменатите години има голема експанзија на изградба на фотоволтаични централи од 9,500 мегавати тоа е три пати повеќе од оно што мрежата може да го поднесе. Редот во оваа сфера ќе се регулира со новиот закон за енергетика. „Се работи на изработка на мастер грид на нашата мрежа, ќе има над 1.000 мегавати до крајот на годината од обновливи извори“.
Таа нагласува дека со новиот закон за енергетика МЕПСО ќе дојде под капата на Министерството, што смета дека е природно и нормално, а ЕСМ ќе остане под Владата, „бидејќи не може да се под исто министерство и производство и дистрибуција. Тоа е согласно европските регулативи“.
