ЕСМ КУПИ СТРУЈА ЗА УЧИЛИШТА, ГРАДИНКИ, ФАКУЛТЕТИ И БОЛНИЦИ – нивното производство го испраќат до ЕВН ХОУМ

Од ЕСМ инфомрираат дека во текот на 07.04.2023 била спроведена набавка на електрична енергија за потребите на училишта, градинки, јавни уставнови која ќе се корист до крајот на оваа недела.

– На
07.04.2023 е спроведена набавка на електрична енергија за период на испорака од
09.04 до 16.04.2023 (00:00-24:00) и склучен е Индивидуален договор со ХСЕ Мак
Енерџи ДООЕЛ Скопје со договорена моќност 
од 70 MW, количина 13.440 MWh по цена од 106,40  EUR/MWh.

ЕСМ Продажба ја набавува оваа електрична енергија
со цел да ги исполни договорените обврски кои ги имаме склучено со Основни и Средни
училишта, Градинки, Јавни претпријатија за водовод, Болници и други здравствени
установи, Универзитети и Факултети  и
други субјекти од витална важност во државата.

Цената по која ЕСМ Продажба ја продава оваа
енергија е со маржа со што се остварува дополнителен приход – се наведува во нивното соопштение.

Од АД ЕСМ додаваат дека од производството од капацитетите РЕК
Битола, РЕК Осломеј, КОГЕЛ и обновливите извори на енергија, електричната
енергија ја испорачува кон ЕВН ХОУМ кој е универзален снабдувач за
домаќинствата и мали потрошувачи, односно над 70.000 мали бизниси како и
најголемиот дел од количините за дополнително снабдување по субвенционирана
цена за мрежата на ЕВН Електродистрибуција и МЕПСО

– Количините на електрична енергија ЕСМ Продажба ги набавува
на јавен и транспарентен начин преку објава упатена до трговците на електрична
енергија кои изразиле заинтересираност за склучување договор со
купување/продавање на електрична енергија. ЕСМ Продажба и понатаму навремено и транспарентно ќе ја
информира јавноста за сите набавки и продажби на електрична енергија – се додава во соопштението.