ЕСМ доби генерален директор! Проверен и докажан менаџер во продажба еве кој ќе биде?

Државната компанија за производство на електрична енергија ЕСМ (поранешен ЕЛЕМ) добива нов генерален директор. Станува збор за докажан менаџер во областа на продажбата, а неговото име е Лазар Узунчев. Своевремено прв човек на најголемата и најуспешна компанија за продажба на бела техника и уреди за домаќинството „Нептун“. Узунчев има меѓународно искуство и во областа на трговија и застапување на брендови од областа на оптиката.

Очигледно дека стратегијата на Министерството за енергетика и на Владата е да се донесе менаџер што успешно водел пазарно ориентирана компанија. Ова наведува на заклучок дека тој и неговиот нов упраувачки тим ќе се обидат од државниот мастодонт ЕСМ да направат компанија која компетитивно ќе работи во пазарно опкружување. А тоа значи оптимизација на трошоци, зголемување на ефикасноста и расчистување со досегашната пракса на тендери на кои под многу дискутабилни услови се купуваше се и сешто па и електрична енергија.

Како и да е новиот директор ќе биде исправен пред голем и изразен предизвик за средување на состојбите во РЕК Битола и ТЕЦ Осломеј како и гасификација на ТЕЦ Неготино и на крај најголемиот предизвик кој се вика нуклеаризација на ЕСМ.

А пред тоа ќе треба да ја решава солвентноста и ликвидноста на компанија за која во енергетските кулоари се шпекулира дека должи околу 200 милиони евра.

Повеќе детали за состојбата со која ќе се соочи Узунчев во ЕСМ на следниот линк https://faktor.mk/koj-kje-sedne-vo-vrelata-fotelja-na-esm-i-kako-kje-ja-vadi-od-kalta-najgolemata-drzavna-firma-koja-od-stolb-na-drzavniot-budzet-stana-negova-golema-dupka

Р.Ф.