Ескалација на конфликтот: Загинатите во Израел и Газа веќе се 2.000
Нови сирени за воздушен напад се огласија во различни делови на Израел. Ракета истрелана од „Хамас“ падна во градот Ашкелон – повредени лица.
Израелските одбранбени сили, од друга страна, непрестајно го напаѓаат Појасот Газа. Вкупниот број на загинати од двете страни на оградата сега е над 2.000.
Кфар Аза е една од првите нападнати и меѓу последните ослободени населби во конфликтната област. Меѓу убиените од Хамас таму има деца и жени.
„Има приказни за луѓе од овде – земале се што можеле да се борат со нив. Ги криеле децата во подруми. Толку е тешко да се види сето ова“, рече Стјуарт Ремзи, кој е дописник на Sky News од Израел.
Првата американска воена помош веќе пристигна.
„Никогаш во историјата на земјата не сме виделе таква суровост. Тие се уште полоши од Исламската држава и ние мораме да ги третираме како такви“, рече категорично Бенјамин Нетанјаху.
„Нека нема сомнеж – САД го поддржуваат Израел. Ќе се погрижиме да може да се одбрани. Овие ѕверства се одвратни“, изјави американскиот претседател Џо Бајден.
Нападите на Појасот Газа се интензивираат и го соочуваат 2-милионското население со хуманитарна катастрофа. Покрај уништените позиции на Хамас, до темел се срушени и станбени згради, велат локалното население.
„Сите загинаа во таа зграда. Оваа куќа е целосно уништена одвнатре. Целото подрачје е целосно уништено. Ништо не остана“, вели Мохамед Наџар.
Сè уште нема хуманитарен коридор кој ќе им овозможи на заглавените цивили да си заминат. Единствената електрана во енклавата исто така снемува гориво откако Израел воведе целосна блокада. Ништо не е дозволено да се увезува во Појасот Газа. Интервенираше турскиот претседател.
