ЕРДОГАН ДОБИ СИЛНИ СТОМАЧНИ БОЛКИ ЗА ВРЕМЕ НА ИТРЕВЈУ ВО ЖИВО: Телевизискит настап е прекинат, новинарот видно вознемирен (ВИДЕО)
Интервјуто на турскиот претседател Реџеп Таип Ердоган, кое
се емитуваше во живо на телевизија, накратко беше прекинато поради тоа што тој доби силни стомачни проблеми додека новинарот поставуваше прашања.
Во видеото на Youtube
каналот на телевизијата Поли Турк,
се слуша како турскиот претседател воздивнува, а потоа новинарот вознемирено
станува и интервјуто тука е прекинато.
Ердоган изјави дека интензивната изборна кампања му
направила стомачни проблеми, откако синоќа по неколку минути се врати на
продолжението на интервјуто на Канал 7 за да одговори на уште едно прашање.
Програмата започна со доцнење со час и половина без
објаснување, а Ердоган рече дека размислува да го откаже интервјуто поради
стомачни проблеми.
Ердоган денеска треба да зборува во три провинции во
централна Турција, но ТАСС јавува дека турскиот претседател ги откажал јавните
настапи по совет на лекар.
„Фала му на Бога, здравјето на нашиот претседател е добро“,
напиша на Твитер портпаролот на турскиот претседател Ибрахим Калин.
Ердоган се соочува со својата најтешка изборна трка откако
ја презеде функцијата во 2003 година, со широка коалиција на опозициски партии
кои ги здружија силите за да го соборат додека Турците се борат со нивната
најтешка економска криза во последните две децении.
Претседателските и парламентарните избори во Турција се
закажани за 14 мај.
