Џенифер Анистон ја открива својата неостварена желба: „Апсолутно сакам да го направам тоа“
Актерката Џенифер Анистон неодамна откри едно нешто што е на нејзината листа на желби кога станува збор за нејзината кариера.
Имено, 56-годишната ѕвезда во интервју за списанието People откри дека сака да глуми во бродвејска претстава, но дека чека на вистинското сценарио и режија.
„Дефинитивно сакам да глумам во претстава на Бродвеј. Тоа е на мојата листа на желби, но важно е да се најде време и вистински „материјал“ за претставата. Апсолутно морам да направам претстава на Бродвеј“, рече Анистон.
Интересно е што по речиси четири децении во Холивуд, сè уште има нешто што се надева да го постигне во својата кариера. Бидејќи нејзината мајка Ненси Дау и татко ѝ Џон Анистон исто така беа во индустријата за забава, Анистон се занимава со глума уште од дете. Сепак,
По дипломирањето на Средното училиште за сценски уметности во Њујорк, актерката глумеше во неколку продукции надвор од Бродвеј и имаше улоги во голем број телевизиски емисии, пред да го има своето деби на големото платно во филмот „Лепрекон“ во 1993 година.
Кратко потоа, Анистон беше избрана за улогата на Рејчел Грин во „Пријатели“, улога што ја играше во текот на целото емитување на серијата од 1994 до 2004 година. Таа глумеше заедно со Кортни Кокс, Лиза Кудроу, Мет Лебланк, Метју Пери и Дејвид Швимер.
За време на снимањето на серијата „Пријатели“, Анистон имаше и голем број улоги во филмови како што се „Мојата наклонетост“ (1998), „Канцелариски простор“ (1999), „Добрата девојка“ (2002) и „Брус Семоќниот“ (2003).
Откако заврши серијата на NBC, таа глумеше во други филмски проекти, вклучувајќи ги „Marley & Me“ (2008), „He’s Just Not That into You“ (2009), „Just Go with It“ (2011), „We’re the Millers“ (2013), „Cake“ (2014), „Dumplin’“ (2018) и „Murder Mystery“ (2019) и нејзиното продолжение во 2023 година.
Анистон моментално глуми заедно со Рис Витерспун, Били Крудап, Марк Дуплас и Карен Питман во серијата на Apple TV+ „Утринското шоу“, чија премиера е закажана за четвртата сезона подоцна оваа година. Таа е и продуцентка на серијата.
