Во несреќа во Венеција загина и Хрватка: Била на меден месец
Италијанските медиуми јавија дека меѓу загинатите во тешката несреќа во Венеција, кога автобусот паднал од надвозник, има и хрватски државјанин. Хрватските медиуми јавуваат дека станува збор за млада жена која била бремена и на меден месец со сопругот.
Хрватскиот Индекс објави дека починала 24-годишна хрватска државјанка која била бремена и била на меден месец во Италија со сопругот. Нејзиниот сопруг е тешко повреден и се наоѓа на интензивна нега.
Според медиумите, станува збор за млад пар од Сплит, кој се венчал пред само три недели.
Од 21 загинат, пет се украински државјани, Германец, Французин и Италијанец. Сите патници беа гости на кампот Ху во блискиот град Маргера, каде што се враќаа по посетата на Венеција.
Меѓу 15-те повредени има и четиригодишно девојче, кое било пренесено во болница во Падова. Во болницата во Тревизо се пренесени уште девет пациенти, од кои пет се малолетни, а другите 12 се во најблиската болница во Местре.
Несреќата се случила во вторникот вечерта околу 19:45 часот во градот Местре, на девет километри од центарот на Венеција, кога автобусот со туристи удрил во заштитната шина на надвозникот, а потоа се превртел и паднал од височина од нешто повеќе од 10. метри на покривот.
Автобусот се запалил по падот.
