Услугата на товарнaта железница Кина-Европа продолжува со нов напредок

Целосно натоварен воз Кина-Европа поаѓа од Јиву, провинцијата Жеџијанг во источна Кина, за главниот град на Шпанија, 9 март 2023 година. (People’s Daily Online/Lyu Bin)

Товарните возови Кина-Европа остварија 4.186 патувања и превезеа 449.000 еквивалентни единици (TEU) стоки во првиот квартал оваа година, што е зголемување за 15 отсто и 28 отсто на годишно ниво, соодветно, според статистичките податоци објавени од China State Railway Group Co. ., Ltd., или Кинеската железница, на 10 април.

Конкретно, само во март беа направени 1.488 патувања и превезени 162.000 TEU, што е раст од 31 отсто, односно 52 отсто од пред една година. Тоа го одбележа 35-тиот месец по ред од мај 2020 година кога патувањата на товарен воз Кина-Европа надминаа 1.000.

Утрото на 24 март, товарен воз натоварен со автомобилски делови и друг товар тргна од Вухан, централната кинеска провинција Хубеи. Тоа беше првиот товарен воз Кина-Европа што се упати кон Зоџина, Белорусија од Вухан, и трета нова рута за карго услугата отворена во градот оваа година.

Досега, транспортниот канал во централниот кинески град има 44 стабилни прекугранични рути во кои се вклучени 109 градови во 40 земји на евроазискиот континент.

Од оваа година, голем број кинески градови започнаа нови рути или станици за превозот на товарната ќелезница Кина-Европа, вклучувајќи ги Пекинг, општина Тијанџин во северна Кина, Ањанг од централната кинеска провинција Хенан и Жонгшан од јужната кинеска провинција Гуангдонг. Карго услугата постојано ја прошируваше својата транспортна мрежа со зголемени канали.

Освен тоа, надградените услуги ги збогатија и изворите на товар и клиенти за товарните возови Кина-Европа. Конкретно, беспрекорната врска помеѓу копнениот „Економски појас на патот на свилата“ и океанскиот „Поморски пат на свилата од 21 век“ отвори нови перспективи за железничко-поморски интермодални возови.

Неодамна, товарен брод од пристаништето Хо Ши Мин Сити, Виетнам пристигна на контејнерскиот терминал на Хаити во пристаништето Ксиамен, провинцијата Фуџијан во југоисточна Кина. По брзите транзитни формалности, товарот на бродот набрзо беше префрлен во товарен воз Кина-Европа, кој сообраќаше за Алмати, Казахстан.

Контејнерите што ќе се испорачуваат со товарни возови Кина-Европа се натрупани во двор за контејнери во Џинхуа, провинцијата Жеџијанг во источна Кина. (People’s Daily Online/Hu Xiaofei)

Според претставници во кинеската железничка групација Нанчанг во источната кинеска провинција Џиангкси, железничко-морскиот интермодален воз би можел да го скрати транспортот на карго на само 20 дена, што е 45 дена помалку време од целосниот поморски превоз. Таа стана најдобрата логистичка рута меѓу Југоисточна Азија и Централна Азија, додаде оретставникот.

Во иднина, услугата за товарен воз на Ксиамен на релација Кина-Европа ќе промовира прекуграничен бизнис LCL (Помалку од товарен контејнер), избирајќи го најбрзиот распоред за испорака за собирање товар од Јужна Кореја, Јапонија и земјите од Југоисточна Азија до Ксиамен, а потоа и нивно пренесување до Европа преку железница.

Постојаната надградба на инфраструктурата и соодветните услуги значително ја подобрија ефикасноста на товарните возови Кина-Европа.

Меѓународното пристаниште Ксиан во северозападната кинеска провинција Шанкси, појдовна станица и повратна дестинација на товарните возови Кина-Европа во Ксиан, го прошири капацитетот за ракување за 30 отсто по три фази на надградба.

Кинеската железничка групација Пекинг отвори две карго рути во базата за товарни возови Кина-Европа во Шиџиажуанг, северна кинеска провинција Хебеј, што го подобрува капацитетот за товарење за 50 проценти.

Во Вухан, царинскиот оддел и железничкиот оддел споделуваат логистички податоци на услугата за товарен воз Кина-Европа, што го намалува времето за царинење за еден до два дена.

Денес, видовите на товар што се транспортираат со товарните возови Кина-Европа се значително проширени, вклучувајќи автомобили, дрво, мебел, хемиски производи, машини, ѓубрива и други.

Товарен воз поаѓа од областа Пингу, Пекинг, на 16 март 2023 година, означувајќи го лансирањето на првиот директен транспортен товарен воз Кина-Европа од кинескиот главен град. (People’s Daily Online/Sun Lijun)

Утрото на 8 април, товарен воз Кина-Европа што превезуваше нови енергетски возила (НЕВ) тргна од општината Чонгкинг во југозападна Кина. Овие возила се очекуваше да се упатат кон Дуизбург, Германија преку пристаништето Алашанку во северозападната кинеска автономна област Ксинџијанг Ујгур.

Благодарение на просперитетниот развој на секторот NEV во Кина, типот на возила го придвижува товарот на товарните возови Кина-Европа. „Кина-Европа товарните возови станаа нов избор за кинеските производители на автомобили како Geely и BYD за извоз на нивните производи“, рече вработен во меѓународното пристаниште Ксиан, кое започна услуга за извоз на цели возила.

Според кинеската железничка групација Женгжу во провинцијата Хенан, групата започна приспособени планови за засилување за различни модели на возила за време на испораката. Секој контејнер може да носи најмногу до четири возила, што во голема мера ги намали логистичките трошоци за извозниците на автомобили.

Континуираното закрепнување на кинеската макроекономија им помогна на многу градови да постигнат нови рекорди во превозот на железничката линија Кина-Европа.

Во првиот квартал од оваа година, Ксиан забележа над 1.100 патувања со товарен воз Кина-Европа, кои превезуваа повеќе од 1 милион тони товар, што е зголемување за 39,6 отсто и 66,1 отсто на годишно ниво, соодветно.

Во истиот период, 315 патувања тргнаа од Вухан, испорачувајќи скоро 26.000 TEU. Двете бројки се зголемија за 202,88 отсто, односно 202,8 отсто од пред една година.

Исто така, во истиот квартал, Хефеи во источната кинеска провинција Анхуи постави 21 нова станица за карго услугата. Вкупно 340 патувања со товарен воз Кина-Европа беа направени од градот, што е раст од 49,78 отсто на годишно ниво.