Путин: Крвав и варварски напад, убијците можат да очекуваат само едно!
Владимир Путин почна да зборува, нарекувајќи го синоќешното пукање „крвав и варварски терористички напад“ и рече дека инволвираните се обиделе да избегаат и да преминат во Украина.
„Сите четворица директни извршители на терористичкиот напад, сите оние кои пукаа и убиваа луѓе, беа пронајдени и приведени“, вели тој.
„Тие се обидоа да се скријат и тргнаа кон Украина, каде според прелиминарните податоци им беше подготвен прозорец од украинската страна да ја преминат државната граница“, тврди тој.
Украина силно негираше каква било вмешаност.
Вкупно 11 лица се приведени, додава претседателот – а безбедносните служби претходно соопштија дека другите седуммина уапсени биле соучесници.
Путин за утре прогласува ден на жалост и им изразува сочувство на семејствата на загинатите во нападот.
„Терористите, убијците можат да очекуваат само едно, можат да очекуваат казна“, вели тој.
„Нашите непријатели нема да не поделат“, заклучува тој.
