Позната инфлуенсерка убиена пред нејзината куќа
Маж на мотор ја убил познатата ирачка инфлуенсерка Ом Фахад пред нејзината куќа во Багдад, соопштија ирачките власти.
Ом Фахад беше застрелана од засега неидентификуван напаѓач во нејзиниот автомобил во петокот. Друг извор од безбедносните сили изјавил дека напаѓачот се преправал дека доставува храна, пренесува Гардијан.
Ом Фахад стана позната по видеата на Тик Ток каде танцува на ирачка музика во тесна облека. Во февруари минатата година, судот ја осуди на шест месеци затвор за споделување „видеа со непристоен говор што ја поткопува скромноста и јавниот морал“.
Во 2023 година, владата започна кампања за чистење на содржината на социјалните мрежи за кои рече дека ги нарушува ирачкиот „морал и традиција“. Беше формиран комитет на Министерството за внатрешни работи за да ги пребарува Тик Ток, Јутјуб и другите платформи за клипови што ги смета за навредливи.
Неколку влијателни луѓе оттогаш се уапсени, соопштија властите.
