Децата во каналот пронашле рачна бомба и куп муниција
Во каналот меѓу Шриједска и Стара Плошчица, недалеку од Бјеловар во Хрватска, деца забележале неексплодирани експлозивни направи и известиле возрасен, кој откритието го пријавил во полиција, соопшти полицијата.
Полицискиот службеник за антиексплозивна заштита излегол на местото на откривањето и од каналот извадил една рачна бомба М75 и 78 парчиња муниција од различен калибар, кои ги отстранил од местото на откривање и ги чувал во магацинот на смртоносна опрема до уништување, пренесува mojportal.hr.
Како што јави N1, хрватската полиција соопшти дека е опасно и неодговорно да се фрлаат оружје, муниција и мини-експлозиви во потоци, канали и шумски патишта бидејќи тие се потенцијални причинители за трагични настани.
„Честитки за децата кои препознаа дека тоа не се играчки“, соопштија од полицијата.
Истовремено, полицијата ги повикува граѓаните да се однесуваат одговорно и без санкции да и предадат оружје, муниција, мини и експлозиви на полицијата.
