Елмас постигна прекрасен гол, па изрази поддршка за Турција (ВИДЕО)
Гостинската мрежа прв ја начка грузискиот репрезентативец Кварацкелија уште во 22. минута, додека Виктор Осимен во 65. минута го удвои водството на наполитанците, за мирен финиш и лесни нови три бода. Пет минути подоцна во игра влезе нашиот Елиф Елмас, кој го доигра мечот и успеа да ја одбрани стечената предност, а успеа и да ја зголеми сопрекрасниот погодок во 79. минута. Тој веднаш потоа со рацете направи гестакулација во форма на турското знаме, во знак на поддршка на народот во Турција по катастрофалниот земјотрес во кој загинаа најмалку 30.000 жители.
За Наполи ова беше 19. победа сезонава во италијанската елита, во која има само еден пораз и две нерешени средби. Тоа им носи 59 бода, дури 16 повеќе во однос на Интер, кој има меч помалку.
