Експлозија во станбена зграда во Москва: Има жртви!
Во една станбена зграда во Москва денеска се случи експлозија, објавија бројни руски медиуми и канали Телеграм.
Според податоците на каналот База, на еден од влезовите во станбениот комплекс во улицата Авиационаја се активирала импровизирана експлозивна направа. Канал 112 објави дека причина за експлозијата била граната.
Државната новинска агенција ТАСС наведува дека во експлозијата загинало едно лице, додека четири лица се повредени. Руските власти покренаа истрага за утврдување на околностите на настанот, пренесува рускиот портал Медуза.
