Експлозија во фабрика за експлозиви во Русија: Има загинати, службите на терен
Шест лица загинаа во експлозија во фабриката „Промсинтес“ во областа Самара во Русија, изјави за РИА „Новости“ портпаролот на итната служба.
„Како резултат на демонтирање на опрема за време на поправки во работилницата на фабриката „Промсинтес“ во Чапаевск дошло до експлозија, при што осум лица се повредени, од кои шест загинале“, изјавил изворот.
ТАСС пишува дека експлозијата се случила при демонтирање на цевката, и дека немало пожар.
#BREAKING Blast at explosives factory kills six in central Russia: Russian agencies pic.twitter.com/aHd7ME8px4
— AFP News Agency (@AFP) July 7, 2023
Александер Кинштајн, пратеник од Самара, изјави дека експлозијата најверојатно била предизвикана од заварување и остаток од експлозив во цевките.
Од почетокот на руската инвазија на Украина, имаше серија експлозии и пожари во руски енергетски магацини, фабрики и друга инфраструктура.
Властите некои од нив ги припишуваат на Украина и на проукраинските саботери. Киев, од друга страна, не ги коментира овие инциденти, само понекогаш сугерира дека тие се резултат на превирања во Русија.
Пет лица загинаа на 20 јуни во експлозија во фабрика за барут во областа Тамбов во Русија. Тамошниот гувернер негираше дека се работи за саботажа или напад.
