Егзекуција преку задушување со азот: САД за прв пат користеше овој метод
Во американската сојузна држава Алабама е извршена смртна казна со гушење со азот. Овој метод, кој ОН го дефинира како форма на тортура, за прв пат беше употребен во САД.
Ја изврши смртната казна на Кенет Јуџин Смит за убиство во 1988 година.
Тој беше осуден во 1989 година за смртта на сопругата на проповедникот, 45-годишната Елизабет Сенет, за што беше ангажиран од нејзиниот сопруг Чарлс Сенет. Злосторството било маскирано како грабеж.
Меѓутоа, полицијата успеала да дојде до убијците на жената. Во 2010 година беше погубен и Џон Форест Паркер, соучесник на Кенет Смит.
Во 2022 година, Алабама се обиде и не успеа да го погуби Смит со смртоносна инјекција.
58-годишникот изгубил две финални жалби до Високиот суд и една до Федералниот апелационен суд, тврдејќи дека егзекуцијата била сурова и невообичаена казна.
Кенет Смит беше погубен во затворот Атмор. Неговата смрт настапила 29 минути по почетокот на егзекуцијата, објави јавниот обвинител на Алабама, Стив Маршал.
Егзекуцијата на Смит беше прва во САД оваа година. Минатата година беа извршени 24 смртни казни, сите со смртоносна инјекција.
За прв пат по повеќе од 40 години, во САД се користи нов метод на егзекуција .
Алабама е една од трите американски држави кои дозволуваат егзекуција со азотна асфиксија, во која смртта доаѓа од хипоксија или недостаток на кислород.
