Една недела по земјотресите: Спасувачите извлекоа жена која преживеа 175 часа под урнатините (ВИДЕО)
Спасувачите во Турција успеаја да извлечат жена од под урнатините на урнатата зграда во регионот Хатај. Според информациите, жената останала под урнатините 175 часа по земјотресите , пренесува Ројтерс.
ОН најавија дека акциите кај нашиот сосед и во Сирија сè повеќе ќе се фокусираат на обезбедување засолниште, храна и социјална поддршка на погодените од земјотресите.
За време на посетата на сирискиот град Алепо, заменик генералниот секретар на ОН Мартин Грифитс коментираше дека хуманитарната помош се движи од териториите контролирани од владините сили кон оние на бунтовниците погодени од потресите.
Во турскиот град Газиантеп екипи успеале да спасат мачка од станбена зграда. За таа цел двајца спасувачи влегле во лопата на багер за да ја однесат напуштената мачка од вториот кат од станбена зграда.
Многу од зградите во областите погодени од земјотресот се компромитирани. Како што продолжуваат последователните потреси, многу од зградите отпорни на земјотреси остануваат празни.
