Еден од директорите на М-НАВ тврди дека Тасевски им напишал „сега е редно и да горите“
Реагираше еден од директорите на М-НАВ, Хасим Деари, кој, како што пишува на Фејсбук, изјавите на претседателот на синдикатот Александар Тасевски ги нарекува невистинити.
Според Деари, заканите кои во официјалните мејлови ги упатил Тасевски се многу вистинити и не случајно бил пријавен во полиција кога била добиена пораката „сега е редно и да горите“.
Деари понатаму пишува дека јасно е кој врз кого врши притисок и дека конкурсите биле во согласност со барањето на Техничкиот сектор и прелиминарниот финансиски план за 2023 година.
Дехари во оваа објава го поставува и прашањето зошто синдикатот не реагирал кога се објавил конкурсот кој траел само три дена на 8 контролори на летање?
Пишува и дека Тасевски јасно создава стереотипи, што е спротивно на сите акти на компанијата М-НАВ! Деари подолу набројува голем број прашања, заклучувајќи дека никој не смее да го загрози воздушниот простор на земја која е членка на НАТО.
