Еден момент танцуваа, а другиот бегаа: Музички фестивал во Израел стана хорор, лешеви насекаде
Ракетите почнаа да паѓаат околу 6:30 часот во саботата, изјави Тал Гибли за Си-Ен-Ен, а само половина час подоцна, таа и стотици други кои присуствуваа на израелски музички фестивал трчаа додека милитантите од Газа пукаа врз нив. Вака еден популарен фестивал се претвори во хорор од кој многумина не успеаја да побегнат.
Застрашувачкиот напад беше само еден од многуте во саботата наутро.
Вооружени напаѓачи на Хамас оставени мртви на лице место, додека земале повеќе луѓе како заложници, како што се гледа на видеата објавени на социјалните мрежи.
На отворено „Нова фестивал“ во рурална област во близина на границата Газа-Израел требаше да биде забава на прославата на еврејскиот празник Сукот, но како што се раздени, Тал Гибли рече дека присутните почнале да слушаат сирени и ракети.
„Немавме каде да се криеме бидејќи бевме на отворено. Сите се испаничија и почнаа да си ги земаат работите“, изјави таа за Си-Ен-Ен.
Експлозиите може да се слушнат во видеото што го сними Гибли од неа и пријателите додека шетаат низ дворот кој брзо се празне. Се слуша како некој вели „Имале“, вообичаен израелски термин за страв или чувство на зачуденост.
Гибли и другите тогаш не го знаеја тоа, но на нешто повеќе од километар и половина, милитантите од Газа почнаа да ги напаѓаат израелските тенкови и војници.
Кога посетителите на фестивалот избегале со своите автомобили, Гибли вели дека патиштата биле заглавени и никој не можел да се движи.
Потоа, според сведокот, почнале истрелите.
На видеата снимени од Гибли се гледа како израелско воено возило се движи во спротивна насока додека луѓето се обидуваат да поминат покрај него.
