„ЌЕ ТРПИ БИЗНИСОТ НА ЦЕЛА ЕВРОПА“: Можно е колапс на пристанишните терминали во северна Европа
На прекините не влијаат само нападите на Хутите,
туку и зимските бури, односно гужвите предизвикани од претходните празници.
Временските проблеми и пренасочените бродови преку Р’тот Добра Надеж, поради нападот Хутите во Црвеното Море, предизвикаа метеж на пристанишните терминали
во Северна Европа, соопшти денеска данската бродска компанија Молер-Маерск.
„Се очекува зимските услови и можните инциденти во Црвеното
Море да се одразат на бизнисот во цела Европа и на терминалите на хабот. Во
такви услови сите терминали се силно оптоварени, па затоа бараме од клиентите
да по растоварувањето, товарот да се
превземе што е можно поскоро, за да помогнете во непречено одвивање на
сообраќајот“, предупреди Маерск.
Оваа компанија, како и многу други, со недели ги пренасочува
бродовите преку преку Р’тот Добра Надеж за да го заобиколат
Црвеното Море поради зголемен ризик.
Сепак, тоа е само еден дел од проблемот. Како што соопшти
Maersk, „терминалите во Северна Европа исто така беа затворени поради зимски
бури, односно гужви за време на божиќните празници“.
Главниот извршен директор на Maersk, Винсент Клерк, на 17
јануари рече дека прекините во глобалното транспортирање – предизвикани од
напади на бродови во Црвеното Море – може да траат „најмалку неколку месеци“.
„Иако се надеваме на одржливо решение во блиска иднина и
правиме се што можеме за да помогнеме, ги охрабруваме клиентите да се подготват
за можноста од долгорочни компликации во областа и значителни нарушувања на
глобалната мрежа“, рече соопшти денеска
Maersk. Данскиот гигант, исто така, нагласи дека на клиентите им нуди можност
за пренесување на дел од товарот од пловни објекти на авиони на аеродромите во
Оман и ОАЕ, со цел да се достави стоката до нивните крајни дестинации во Европа
и САД.
ФОТО: EPA-EFE/CLAUS BJOERN LARSEN
