ЌЕ СТАПИ НА СИЛА КОНТРОВЕРЗEН ЗАКОН: Eвропа трупа залихи кафе
Европските земји купуваат количини кафе. Европа трупа кафе пред да стапи на сила контроверзниот закон.
Трговците набавуваат повеќе кафе за Европа за да ги избегнат тешкотиите што би можеле да настанат на почетокот на следната година со стапувањето во сила на регулативата на Европската унија против уништувањето на шумите, објави Меѓународната организација за кафе (ICO).
Залихите во државите производители ги снема затоа што увозниците брзаа со пратки пред новиот закон со кој ќе се забрани увозот на земјоделски производи произведени на расчистено земјиште. Oва го потврди извршниот директор на ICO, Ванусија Ногуеира.
„Увозниците ги забрзуваат пратките бидејќи законот отвори прашања на кои Европејците сè уште не одговориле“, изјави Ногуеира на маргините на меѓународниот семинар за кафе во 2024 година во Сантос, Бразил.
Европската унија е најголемиот пазар на кафе во светот. Земјите како Бразил, Колумбија и Костарика се подобро подготвени за закон кој бара од производителите да добијат потврда дека кафето не се произведува на обесшумена земја. Можно е цената на кафето да се големи поради климатските промени, односно намалениот род.
foto freepik.com/blackss
