Ќе се решава судбината на судијките кои на „Телеком“ му пресудија штета од 4 милиони евра врз основа на „фалсификувани записници“
Судскиот совет за оваа среда закажа седница која може да биде пресудна за расчистување на еден од најголемите правосудни скандали во поново време. На дневен ред, меѓу седумте точки, се наоѓа и постапувањето по решенијата на Врховниот суд, а иако не е експлицитно наведено, изворите упатуваат дека станува збор за контроверзниот предмет „Телеком-Фокус нет“. Ова е случајот поради кој Судскиот совет веќе еднаш донесе одлука за разрешување на судијки од Апелациониот суд, поради утврдени тешки законски повреди и фалсификување службени исправи.
Во среда ќе се знае дали највисокото судско тело ќе успее да ја потврди својата претходна одлука и да стави точка на случајот во кој државниот буџет беше потенцијално оштетен за милионски суми.
Предметот се однесува на тројца судии од Апелациониот суд, чии одлуки предизвикаа земјотрес во правосудството:
Трите судијки го искористија правото на жалба до Врховниот суд. За две од трите жалби веќе се одржаа седници, по што предметот сега е вратен на повторно одлучување пред Републичкиот судски совет.
Она што го прави овој случај специфичен се наодите на Судскиот совет, кои беа јавно презентирани. Утврдено е дека при постапувањето по жалбата во Апелација, биле направени кардинални прекршувања:
Спорната одлука на Апелација беше донесена во јули 2024 година, непосредно пред почетокот на судската ферија – тајминг кој често се користи за „протнување“ на контроверзни одлуки.
Со оваа пресуда, „Македонски Телеком“ беше задолжен да плати отштета од вртоглави 4 милиони евра на фирмата „Фокус нет“.
Деталите за фирмата-тужител отвораат дополнителни сомнежи:
За потсетување, во првостепената постапка, Граѓанскиот суд во Скопје пресудил во корист на Телеком, токму поради овие аргументи.
Случајот ги надмина границите на судството и стана предмет на кривична истрага. Основното јавно обвинителство (ОЈО) отвори истрага откако вицепремиерот и министер за транспорт, Александар Николоски, го испрати предметот на разгледување, алармирајќи за криминал.
Државата има директен интерес во овој случај бидејќи поседува удел од 35% во „Телеком“. Исплатата на 4 милиони евра отштета би значела директен удар врз дивидендата што се влева во државниот буџет.
Поради сериозните индиции за криминал, Кривичниот суд веќе донесе времена мерка за запирање на извршувањето на наплатата, со што е спречен одливот на парите додека не завршат правните процедури.
