ЌЕ ПОТРОШАТ ПОМАЛКУ ПАРИ: Швајцарија погрешно ги пресмета трошоците за пензии
Швајцарија погрешно ги пресмета трошоците за пензии.
Швајцарската влада информираше дека погрешно ги пресметала трошоците за пензии, што значи дека за пензии ќе се трошат помалку пари од претходно планираното. Беше утврдено дека дефицитот во исплатата на пензиите до 2033 година ќе изнесува 4 милијарди франци (4,26 милијарди евра), а претходно се проценуваше дека овој дефицит ќе изнесува седум милијарди франци (7,46 милијарди евра).
Скоро 60 отсто од Швајцарците на референдумот во март гласаа 13-тата пензија да се исплати од 2026 година. Но, 75 отсто изнесува процентот на оние кои на истиот референдум гласале против зголемувањето на старосната граница за пензионирање од 65 на 66 години.
Изабел З. Мартинез од Универзитетот ЕТХ во Цирих потсети дека ваквите грешки се невообичаени во проценката на дефицитот, пишува Euronews.
