ЌЕ ПАТУВАТЕ ЗА ПРОДОЛЖЕНИОВ ВИКЕНД? – Од ноќеска на полноќ навалете на пумпите, ќе има поевтин бензин

Регулаторната
комисија за енергетика и водни услуги на Република Северна Македонија донесе
Одлука со која се врши намалуивање на малопродажните цени на нафтените деривати во просек за 1,05 отсто во
однос на одлуката од 18.4.2023
година.

Референтните
цени на нафтените деривати на светскиот пазар во споредба со претходната
пресметка бележат намалување во просек: кај
бензините за 4,118 отсто, кај дизелот за 2,823 отсто,
кај екстра лесното масло за 2,702 отсто и кај мазутот има зголемување за 1,511 отсто.

Курсот
на денарот во однос на доларот во изминатиот период по кој беа формирани цените
со претходната пресметка е понизок за 0,713 отсто.

Малопродажната
цена на бензинот ЕУРОСУПЕР БС-95 се намалува за 2,50 ден/лит, додека
малопродажната цена на бензинот ЕУРОСУПЕР БС-98 се намалува за 2,00 ден/лит.

Малопродажните
цени на ЕУРОДИЗЕЛ (Д-Е V), на Екстра лесното масло за домаќинство на (ЕЛ-1)
и на Мазутот М-1 НС не се менуваат.

Од 21.4.2023 година од 00:01 часот максималните цени на нафтените деривати ќе изнесуваат:

Моторен бензин  ЕУРОСУПЕР
БС – 95  82,50     (денари/литар)

Моторен бензин  ЕУРОСУПЕР БС -98  85,00       (денари/литар)

Дизел гориво  ЕУРОДИЗЕЛ БС
(Д-Е V)    74,00    (денари/литар)

Масло за горење  Екстра лесно 1 (ЕЛ-1)  72,50   (денари/литар)

Мазут М-1 НС    41,409                                      (денари/килограм)