Џељаљ Свечла се пофали дека ќе има заеднички гранични премини меѓу Косово и Македонија
Од денеска ќе има заеднички гранични премини меѓу Косово и Северна Македонија, тврди косовскиот министер за внатрешни работи, Џељаљ Свечла.
Тој вели дека ќе има само една пасошка контрола. Свечља на својата страница на Фејсбук објави дека го потпишал договорот со кој ќе се овозможи воспоставување на заеднички гранични премини со Република Северна Македонија, на премините „Генерал Јанковиќ – Блаце“ и „Глобочица-Јажинце“.
„Од денеска Република Косово и Република Северна Македонија имаат заеднички гранични премини. Имајќи ги предвид пријателските односи, засновани на вредностите на еднаквост и со цел зајакнување на регионалната соработка, денеска го потпишав договорот со кој ќе се овозможи воспоставување заеднички гранични премини со Република Северна Македонија, „Генерал Јанковиќ – Блаце“ и „Глобочица-Јажинце“, напиша тој.
Овој договор, како што кажа „има за цел да ги поедностави процедурите и да го олесни движењето на луѓето и возилата“.
Вели дека раѓаните отсега ќе се легитимираат само на еден граничен пункт.
