ДВОЦИФРЕНИ СТАПКИ НА ИНФЛАЦИЈА И ВО ФЕВРУАРИ, ДЗС ги измери трошоците на живот за минатиот месец

Инфлацијата во
земјава и понатаму двоцифрена, иако се забележува благо опаѓање на стапката во
месец февруари во споредба со месец јануари годинава, сепак на годишно ниво и
понатаму имаме двоцифрени стапки на инфлација.

Како што објави
државниот завод за статистика измерени се 16,7 отсто инфлација во февруари во
споредба со истиот месец лани. 

Колку за споредба во месец јануари стапката изнесуваше
17,1 отсто на годишно ниво.

Според ДЗС
храната и пијалоците поскапеле за 25,3 проценти, и тука е најголемиот раст.

Високи 20,6 отсто
има раст на цените кај рестораните и хотелите од 20,6 отсто.

Потоа следуваат
мебелот, покуќнината, одржувањето на домаќинствата, каде стапката е 17,8 отсто.

Транспортот пак е
поскап за 8,8 проценти со споредба со минатата година истиот месец.

– 
Пораст на индексите на трошоците на животот во февруари 2023
година, во споредба со претходниот месец, е забележан кај пивото за 5,8 отсто, свежиот и разладениот зеленчук,
освен компирите и другите коренести плодови за 4,9 проценти, кафето, чајот, какаото за 2,3 отсто, жестоките пијалаци за 1,4 проценти, прехранбените производи,
неспоменати на друго место за 1,3 отсто, лебот и житата за 1,2 проценти, минералната вода,
газираните пијалаци, соковите од овошје и зеленчук за 1 отсто, шеќерот, џемот, медот,
чоколадата и кондиторските производи, виното за 0, 9 отсто и месото за 0,7 проценти – стои во извештајот на ДЗС.