ДВЕ ГОДИНИ ВОЈНА ВО УКРАИНА – Гутереш повика на мир, Фон дер Лајен и другите западни лидери пристигнаа во Киев
Денеска се навршуваат точно две години или 731 ден од почетокот на војната во Украина, а двете страни се уште се далеку од преговарачката маса.
Генералниот секретар на Обединетите нации Антонио Гутереш повика на мир и правда на состанокот на Советот за безбедност на ОН по повод втората годишнина од руската инвазија на Украина.
Украинската армија соопшти дека едно од соборените руски беспилотни летала синоќа паднало на станбен дел на Одеса и предизвикало пожар во станот, во кој едно лице загинало.
Во Киев денеска пристигна претседателката на Европската комисија, Урсула фон дер Лајен, а во таа земја пристигнаа и италијанскиот премиер Џорџо Мелони, белгискиот премиер Александре Де Кроа и канадскиот премиер Џастин Трудо.
Борељ: Војната ја промени историјата на Европа, но не и географијата
Високиот претставник на Европската унија за надворешна политика и безбедност, Јосеп Борељ, по повод двегодишнината од војната во Украина рече дека ЕУ е на страната на Киев од почетокот на конфликтот кој , како што наведе, преку насилство ја промени историјата на Европа, но не и нејзината географија.
„Одбележуваме две години од руската брутална агресија против Украина. ЕУ е на страната на украинскиот народ од тоа трагично утро што ја промени историјата на Европа, но нема повторно насилно да ја промени нејзината географија“, напиша Борељ денеска на платформата X.
Западните лидери денеска во Киев по повод годишнината од војната
Претседателката на Европската комисија, Урсула фон дер Лајен денеска пристигна во Киев, по повод одбележувањето на двегодишнината од руската агресија врз Украина и италијанскиот премиер Џорџо Мелони, белгискиот премиер Александре де Кроа и канадскиот премиер. Во таа земја пристигна и министерот Џастин Трудо.
Во објава на платформата Х, Лајен напиша дека Европската Унија цврсто стои на Украина додека, како што наведе, таа земја конечно не се ослободи.
