ДВЕ ДЕЦА ВО КРИТИЧНА СОСТОЈБА – Еве ги деталите за повредените во нападот во белградското училиште
Петмината повредени во вооружениот напад во ОУ „Владислав Рибникар“ во Белград се стабилни, едно дете е критично, но подобро, додека едно дете е во критична состојба и е витално загрозено, соопштија утрово директорите на здравствените установи каде повредените се сместени.
Директорката на Универзитетскиот клинички центар на Србија, Милика Ашанин изјави дека состојбата со двајцата студенти и наставничката кои се сместени во таа установа е многу подобра и дека се доста добро.
Четвртиот пациент, како што изјави Ашанин, во Клиничкиот центар бил донесен како најтешко повреден, со прострелни рани во градниот кош, вратот и кичмата, „вчера цел ден го поминал во операциона сала, имал две операции, подобро е, буден е, но мораме да бидеме многу внимателни и мора да го оквалификуваме како критична состојба“.
Тој изјави дека за денеска се планирани низа контроли, со цел да се утврдат ефектите од вчерашното работење.
Директорот на Универзитетската детска клиника во Тиршова, Синиша Дучиќ изјави дека од тројца пациенти на таа клиника, две момчиња со прострелни рани на нозете се стабилни и добро, примаат антибиотска терапија и дека во следните неколку денови може да бидат пуштени дома.
„Девојчето кое вчера итно беше оперирано поради повреди на главата е витално загрозено, во критична состојба. Лекарите прават се за да ја одржат во живот, но нејзината општа состојба е многу сериозна и витално е загрозена“, изјави Дучиќ и додаде дека за сега нема планирани други операции.
Осум деца и еден чувар се убиени во средата наутро во вооружен напад на четиринаесетгодишен ученик во основното училиште „Владислав Рибникар“ во центарот на Белград. Шест ученици и еден наставник се повредени, а напаѓачот е уапсен.
ФОТО: EPA
