![Двајца загинати во напади со руски беспилотни летала во Одеса и регионот Харков](https://novina.mk/wp-content/uploads/2024/03/odesa-850x560.webp)
Двајца загинати во напади со руски беспилотни летала во Одеса и регионот Харков
Две лица загинаа во полноќни напади со руски беспилотни летала врз Украина, објави Франс прес.
Едно лице загина, а седум се повредени, меѓу кои и 3-годишно дете, во нападот во Одеса, во кој се урнаа и станбени згради.
Набргу потоа, бројот на повредени е ажуриран на осум лица. Украинскиот претседател Володимир Зеленски во објава на Телеграм рече дека едно од дронови удрило во станбена зграда во Одеса и дека се уништени 18 станови, пренесе Ројтерс. Зеленски објави и видео на кое се гледа уништената зграда и спасувачите како ги пребаруваат урнатините.
Според украинскиот медиум „Суспилне“, шест лица се водат како исчезнати.
Во селото Велики Бурлук, на околу 100 километри од Харков, куќа била погодена од напад на беспилотно летало и еден маж загинал, соопштија претставници на локалните власти. Во самиот Харков напади со беспилотни летала оштетија автомобили и станбени згради, но немаше жртви.