Двајца тинејџери од кои еден Македонец повторно притворени во Австрија поради сомнежи за тероризам

Двајца тинејџери, еден со потекло од Македонија и еден од Чеченија, кои минатото лето беа осудени за планирање напад врз средно училиште во регионалниот суд во Леобен, повторно се во притвор поради сомнежи за тероризам, објави австрискиот портал Хојте.

Првично, тие беа осудени на делумно условни казни од 15 и 16 години за намери да воспостават калифат во Австрија и планирано насилство врз христијани. Едниот, кој сега има 17 години, беше ослободен предвреме по отслужување на две третини од казната, следен со мерки за дерадикализација и психотерапија.

Сепак, обвинителството наведува дека тој повторно покажал знаци на радикализација, вклучувајќи планирање напад со автоматска пушка и обид за обезбедување финансии за купување оружје. Според Кроне, тинејџерот досега одбивал да соработува со властите.

Неговиот соучесник, кој има 18 години, беше уапсен кон крајот на август на границата со Македонија додека се враќал од својата татковина. И тој е обвинет за нови сериозни планови за напади, вклучувајќи и употреба на бомби, и повторно е во притвор по суспендираната казна од првото судење.