Дурмиши: Во владината потрошувачка кошничка семејството ќе биде четиричлено
Владината потрошувачка кошничка сеоак ќе биде за четиричлено семејство, а не за трочлено,како што досега се најавуваше. Ова денес го потврди министерот за економија Бесир Дурмиши како одговор на новинарско прашање.
Според Дурмиши, таа ќе биде пореална од онаа синдикалната и ќе биде донесена на првата седница на Економско-социјалниот совет што треба , како што кажа, да се одржи наскоро.
– Затоа правиме нова потрошувачка кошничка, затоа што ќе биде со реални податоци колку му треба за еден месец на едно четиричлено семејство во делот на храната, пијалоците, облеката и така натаму. Таа што ја објавуваат синдикатите, немаме ништо против, но е несоодветна и нереална, поради тоа што бројките не се точни, рече Дурмиши на днеешната прес-конференција.
Според синдикалната месечна потрошувачка кошничка, на едно семејство му требаат најмалку 64.000 денари за да ги задоволи минималните потреби и ни од далеку тоа не е доволно ако смао два чќлена на семејството работат и добиваат минимална плата.
/faktor.mk
