Дурмиши соопшти конечна одлука: Маржата се ограничува до 10 отсто за 100 производи
Министерот за економија и труд Бесар Дурмиши денеска на брифинг со медиумите обелодени дека цените нема да се замрзнат, туку ќе се ограничи бруто профитната маржа на стотина основни прехранбени производи до 10 отсто.
Мерката не беше прифатена на вчерашната владина седница, но најверојатно ќе биде прифатена следната недела, според најавите на Дурмиши и премиерот Христијан Мицкоски.
Со мерката ќе бидат опфатени лебот, пекарски и млечни производи, овошје, зеленчук, а ќе трае само еден месец.
– Оваа мерка ќе биде краткорочна и во сила еден месец. Праксата на нејзиното донесување ќе продолжи за новогодишните и сите следни празници, истакна министерот.
Дурмиши останува на ставот дека Законот за нефер трговски практики започнува да се применува од 28 септември и дека од тогаш дополнително треба да се намалат цените на производите.
