ДУИ бара да се истражи доделување на 16 милиони евра од општина Чаир на едно лице – Ганиу им врати: Криминалот и корупцијата се на друга адреса!

Демократската унија за интеграција со загриженост ги следи медиумските известувања за флагрантна злоупотреба на јавните набавки во општина Чаир.

„Се известува дека од 2020 до 2023 година – општина Чаир издвоила 16 милиони евра за тендери за две фирми “Бауер БГ ДОО“ и “ЕнергоИнвест Трејд“, кои имаат ист сопственик, Гордана Димитрова.

Според информациите, општина Чаир со компанијата „Бауер БГ“ склучила 23 договори за јавни набавки во вредност од 4.113.165 евра, како и договор за плоштадот “Скендербег“ во вредност од 11.091.674 евра, што е вкупно 15.204.843 евра.

Ги повикуваме надлежните институции да ја испитаат евентуалната злоупотреба на буџетските средства и да постапат согласно законот“, велат од ДУИ.

Со реакција се јави и градоначалникот на Општина Чаир, Висар Ганиу кој истакна дека криминалот и корупцијата се на друга адреса!

„Во врска со ДУИ и нивната загриженост за наводните злоупотреби на јавните набавки, сакам да порачам дека очекувано е да ги ставите на тапет сите оние кои мислат поинаку, но тоа нема да ви помогне да си ги сокриете сите коруптивни скандали и гревовите кои ги направивте на албанскиот народ.

Исто така, сакаме да ја информираме пошироката јавност дека апострофираната компанија Бауер БГ, од Владата на РСМ во актуелната 2023та година има добиено тендер во вредност од 6.5 милиони евра. Од Министерство за Образование и Наука истата компанија има добиено тендер во вредност од скоро 2 милиона евра, додека од Министерство за животна средина над 1 милион евра, од Агенцијата за храна и ветеринарство над 8 милиони евра, од Министерството за труд и социјална политика 2 милиони евра, севкупно околу 20 милиони евра.

Ние, како Општина Чаир најтранспарентно ги покануваме сите релевантни институции да го истражат овој случај, каде ќе се потврди дека и средствата во Општина Чаир се наменски доделени од Владата на РСМ, која како што може да се заклучи редовно склучувала договори со гореспоменатата компанија. Во овој дух, ние инсистираме истражувањето од компететните институции да продолжи и во сите други институции раководени од ДУИ, особено во Министерството за политички систем и односи помеѓу заедниците со која раководи Артан Груби како и Државна Лотарија на РСМ со која што раководи десната рака на Артан Груби.

Може да заклучиме, ова ниво на паника докажува само едно нешто, дека ДУИ ќе изгуби во наредните избори и сите луѓе вмешани во валканиот коцкарски бизнис и другите скандалозни зделки кои беа обелоденети од медиумите во минатиот период ќе одговараат пред органите на правосудството“, вели Ганиу.