ДУФЕРКО ЈА ЗАСИЛУВА СВОЈАТА ПОЗИЦИЈА ВО „МАКСТИЛ“ – сега поседуваат над 83 отсто од капиталот на челичарскиот гигант

Дуферко ја засилува својата позиција во скопската челична компанија „Макстил“. Сега поседуваат над 83 отсто од капиталот, соопшти преку Берзата ова акционерско друштво. 

„Макстил АД Скопје ја известува јавноста дека во изминатиот период има
настанато промена во сопственоста на акциите со право на глас. Имено, Duferco
Skop SA, како мнозински акционер ја зголеми сопственоста и во изминатиот
период се стекнал со 4.500 акции, со што во моментов поседува вкупно 83,01 отсто од главнината на акции со право на глас на Макстил АД Скопје“, соопшти компанијата.

„Макстил“ е една од најуспешните македонски компании, а таа е фирмата што плати досега највисок солидарен данок од 4,2 милиони евра.