Дудулоски и Етеми станаа најголеми акционери на „Македонија Турист“, заврши долгогодишната доминација на Доне Таневски

Поранешниот генерален директор на „Македонија Турист“, Доне Таневски, по долги години повеќе не е најголел акционер во акционерското друштво кое ги поседува хотелите Холидеј Ин, Белви, Бест Вестерн, Карпош и други, но и поседува голем акционерски влог во Комерцијална банка.

„Скопски Пазар“ на Фатмир Етеми и Ацо Дудулоски станаа најголеми акционери во компанијата Македонија по последните тргувања со акциите на „Македонија Турист“ на берзата.

„Скопски Пазар“ сега вкупно има над 86 илјади акции односно 19,05 отсто удел во големата туристичко-хотелска компанија. Таневски претходно долги години беше доминантен акционер, но сега има само 10 отсто од сопственичката структура на туристичко-угостителскиот великан.

Најмногу акции, по над 10 илјади, оваа недела имаат купено Промедика ДООЕЛ и Симеон Павлов. Промедика стигна до 11,08 % удел во компанијата, додека Павлов до 10,47%. Берзата информира и дека фирмата Чеза Комерц има удел од над 5 проценти од „Македонија турист“.