Драма со несреќен крај за Интер: Облак го лансира Атлетико на „седмото небо“ во ЛШ (ВИДЕО)

Јунак во таборот на „јорганчиите“ беше голманот Јан Облак, кој ги одбрани ударите од белата точка на Санчез и Класен, додека Лаутаро Мартинез како последен за својата екипа ја шутна топката надвор од голот. Миланезите долго ќе жалат за пропуштената шанса да се најде меѓу најдобрите осум европски екипи, со оглед што со голот на Димарко во 33. минута први поведоа на вечерашниот дуел. Шпанците, сепак, не се предадоа, па прво Гризман две минути подоцна изедначи, а Мемфис Депај во самиот финиш ја донесе посакуваната победа во ситуација кога повеќе не важи правилото „гол во гости“.

Претходно вечерва, Борусија Дортмунд го елиминира ПСВ со триумф 2-0 по ремито на првиот меч во Ајндховен (1-1). Ждрепката за четвртфиналните, но и за полуфиналните двојки во ЛШ ќе биде извршена задутре (петок) во Нион.