ДОСЕГА НЕВИДЕН „БУМ“ НА ЦЕНИТЕ НА НЕДВИЖНОСТИТЕ ВО ЕВРОПА: Трендот продолжува и годинава
Според податоците за четвртиот квартал од 2024 година,
цените на недвижностите во Европската унија забележаа значителен раст на
годишна основа, со просечен пораст од 4,9 отсто.
Најголем раст на цените на недвижностите е забележан во
Бугарија, Унгарија, Португалија и Шпанија. Разликите меѓу земјите-членки се големи. Најголем пораст на цените е
забележан во Бугарија со 18,3 отсто. Следува Унгарија со раст од 13,0 отсто,
Португалија (11,6 отсто) и
На врвот се и Холандија (10,8 отсто), Полска (10,4 отсто) и
Хрватска, каде цените на недвижностите се зголемени за 10,1 отсто.
Пазарните услови укажуваат дека растот на цените на
станбените недвижности ќе продолжи и годинава, но може да биде поблаг отколку
во последните години, велат експертите.
Последните статистички податоци укажуваат на натамошен тренд
на пораст на цените на станбените недвижности, претежно кај новоградбите, а
пазарните околности засега не укажуваат дека овој тренд би можел да се промени.
Корекцијата е видлива кај помал број трансакции, што значи дека пазарот е
забавен, а проблемот со недостапноста е главен проблем за целата Европска Унија.
Директорот на хрватската
агенција за недвижности, Боро Вујовиќ, исто така смета дека, со присутна
инфлација и побарувачка која ја надминува понудата, нереално е да се очекува
намалување на цените на станбените недвижности, туку да останат на сегашните
или малку повисоки нивоа од минатата година.
фото: Unsplash
