Дом, сладок дом: Астронаутите се вратија на Земјата по девет месеци во вселената
По девет месеци во вселената, астронаутите на НАСА, Бери „Буч“ Вилмор и Сунита „Сани“ Вилијамс конечно се вратија на Земјата.
Нивната капсула SpaceX направи брзо и огнено повторно влегување низ атмосферата на Земјата, пред да се отворат четири падобрани за непречено фрлање во водата во близина на брегот на Флорида.
Целата сцена беше разубавена со јато делфини кои кружеа околу леталото.
Откако тоа беше подигнато од водата со спасувачки брод, астронаутите се смееа и мавтаа, заедно со колегите членови на екипажот, астронаутот Ник Хејг и космонаутот Александар Горбунов.
„Екипажот одлично се снаоѓа“, рече претставникот на НАСА Стив Стич на прес-конференција.
Така заврши мисијата која требаше да трае само осум дена, но беше продолжена на девет месеци бидејќи се расипа леталото што ги донесе Сунита и Буч на Меѓународната вселенска станица.
„Одлично е да се врати екипажот дома, слетувањето беше прекрасно“, рече Џоел Монталбано, заменик-помошник администратор на Дирекцијата за вселенски операции на мисијата на НАСА.
Заблагодарувајќи им се на астронаутите за нивната издржливост, тој рече дека SpaceX бил „одличен партнер“.
Патувањето до Земјата траеше 17 часа.
На астронаутите им помагале други да се качат на носилки, што е вообичаена практика откако биле во бестежинска средина толку долго.
