ДОЛГОГОДИШНИОТ ДИРЕКТОР ПАТРИК МАРТЕНС ЗАМИНУВА ОД ГЕРМАНСКО-МАКЕДОНСКАТА КОМОРА – на негово место доаѓа Герт Рабов, еве какво е неговото искуство
Долгогодишниот директор на Германската комора во земјава Патрик Мартенс повеќе не е на таа позиција, а како што соопштија оттаму, нов директор на Делегацијата на германското стопанство тука ќе биде Герт Рабов, кој ќе биде в.д директор.
Рабов се огласи до јавноста преку соопштение од комората, во кое вели дека со голема возбуда пристапува кон новата задача, а дека претходно работел во германските комори главно во Азија, па тука всушност ќе биде многу драгоцено неговото искуство.
„Од почетокот на јануари сум в.д директор на Делегацијата на германското стопанство во Северна Македонија и со голема возбуда пристапувам кон мојата нова задача. Јас сум вработен во мрежата на Германските стопански комори повеќе од 20 години, и повеќето од нив ги поминав работејќи во Азија. Се надевам дека со моето долгогодишно искуство и компетентност која ја стекнав работејќи во мрежата на Германските стопански комори која се протега во 92 земји ширум светот можам да дадам нов поттик за понатамошен развој како на Делегацијата, така и на Македонско-Германското стопанско здружение.
Во изминатите години, регионот на Западен Балкан игра се поважна улога како економски регион за Европа. Германските компании веќе се добро етаблирани во Северна Македонија, односно познати германски компании инвестираа во изминатите години во земјата. Истовремено, Германија е најважниот трговски партнер на Северна Македонија. Следните неколку месеци ќе ги искористам за да запознам колку е можно повеќе компании членки на Македонско-Германското стопанско здружение“, пишува Герт Рабов во своето соопштение до медиумите.
