Додека сте на одмор, тие ви го празнат домот – еве како да се заштитите!
Летниот период, покрај ризикот од пожари, носи и зголемена опасност од кражби. Додека граѓаните се на одмор и често објавуваат фотографии на социјалните мрежи, крадците ја користат нивната отсуственост за да празнат домови и возила.
Според податоците на Министерството за внатрешни работи, во јуни и јули годинава регистрирани се 967 кривични дела, од кои 689 се тешки кражби, а 278 – кражби. Бројката е за околу 20% пониска во однос на истиот период лани, но дел од граѓаните тврдат дека се почесто слушаат за вакви случаи и дека дел од оштетените не пријавуваат доколку украденото има помала вредност.
Експертите по безбедност препорачуваат внимателно користење на социјалните мрежи, чување на вредни предмети во банкарски сефови, користење на видеонадзор и аларми, како и соработка со агенции за обезбедување. Тие нагласуваат дека превенцијата и деталната анализа на начинот на извршување на кражбите се клучни за заштита.
Полицијата, пак, во последниот период спроведе превентивни активности, делeјќи флаери со совети за заштита од разбојништва. Апелираат пред поаѓање на одмор задолжително да се проверат прозорците и вратите, да не се оставаат предмети на видливо место и, доколку се забележи провала, веднаш да се пријави на бројот 192 или во најблиската полициска станица.
