ДОДЕКА НЕ БИДЕ ИЗГЛАСАН РЕБАЛАНСОТ, НЕМА ДА ПОЧНЕ ИСПЛАТАТА НА ПОВРАТОТ НА ДДВ – диреркторката Петрова вели дека нема пари во буџетот
Исплатата на парите од „мој ДДВ“ нема да почне пред да има ребаланс на буџетот, појаснува директорката на УЈП Елена Петрова. Таа вели дека со сегашниот буџет не се предвидени средства за исплата и оти е неопходно да има ребаланс пред да почне исплата на парите за второто тромесечије.
„Би сакала да појаснам дека не е започната исплатата на Мој ДДВ. Оваа информација беше погрешно пренесена. Исплатата ќе започне после ребалансот на Буџетот. Имено, средствата што во Буџетот за 2024 година биле испланирани од претходното раководство за исплата за Мој ДДВ во најголем дел се потрошени или, со други зборови кажано, не биле испланирани доволно средства за овие исплати за цела 2024 година, па треба да се обезбедат средства со ребалансот на Буџетот“-објаснува Петрова во интервјуто за „Република“
