„Додека Елмас трча до бесвест и се бори како лав, Наполи ќе победува и со – десетмина!“

Тренерот Лучиано Спалети беше лут поради непромислениот потег на Португалецот, но беше горд на останатите, особено на нашиот Елиф Елмас, кого го издвои во изјавата по мечот.

„Се додека фудбалерите како Елмас трчаат километри со максимален интензитет, брзина и тактичкиот квалитет со кој тој располага, Наполи ќе победува и со десетмина во теренот. Емполи се потпираше на многу трчање и моравме да одговориме исто. Моите играчи заслужуваат огромни честитки за денешниот настап“, изјави предводникот на наполитанците.

Пофалбите на Елмас се двојно повредни ако се знае дека македонскиот репрезентативец влезе во игра во 71. минута, што значи дека го задлужил респектот на својот тренер со само дваесетина минути поминати на теренот.