ДОБРИ ПЛАТИ И СКРАТЕНО РАБОТНО ВРЕМЕ: Кипар бара работници
На Кипар нудат серија мерки со цел да привлечат работници од странство. Ова ќе им помогне за подобрување на економијата и привлекување на талентирани луѓе.
Кипар нуди повисоки плати и скратено работно време за привлекување странски професионалци и студенти. Кипар воведе нови политики со цел пополнување на работните места во клучни сектори, објави весникот „Катимерини“.
Министерот за труд, Јанис Панајоту, потпиша уредби кои олеснуваат вработување на висококвалификувани работници надвор од ЕУ и овозможуваат странски студенти да работат со скратено работно време.
Мерките се фокусирани на сектори како информатичка технологија, фармацевтски истражувања и морскиот сектор. Вработените од овие области можат да аплицираат за Европската сина карта, која дозволува престој и работа низ ЕУ. Минималната годишна плата е утврдена на 43.632 евра, околу 1,5 пати повеќе од просечната плата на Кипар. Повеќе земји во светот се фокусираат на скратена работна недела. Последен таков е примерот со Шпанија.
