ДОБРА ГОДИНА ЗА БОГАТИТЕ РУСИ: Нивното богатство се зголеми
Оваа година е добра за богатите Руси. Најбогатите руски бизнисмени од почетокот на годината заработиле 26,2 милијарди долари.
Најголемо зголемување на богатството од јануари до август имал поранешниот сопственик на компанијата „Еурохем“ Андреј Мелниченко, бидејќи вредноста на неговиот имот се зголемила за 6,37 милијарди долари на 25,2 милијарди долари.
Мелниченко е само шестиот најбогат Русин на листата, а еден од главните сопственици на Норникелј, Владимир Потанин, има најголемо богатство. Од почетокот на годината, богатството на Потанин се зголемило за 498 милиони долари на 31,6 милијарди долари.
На второ место е косопственикот на ЛУКОИЛ, Вагит Алекперов, чие богатство се зголеми за 3,24 милијарди долари на 27,9 милијарди долари.
На листата на Блумерг на најбогати луѓе во светот има 26 Руси, кои имаат вкупно 361,76 милијарди долари имот, пренесува Комерсант.
