Доаѓа нов топлотен бран во Македонија со температури до 40 степени
Во следните 14 дена Македонија ќе биде под влијание на стабилно летно време со умерени температури до 10 август, по што следува нов топлотен бран со температури до 40°C.
6–10 август: стабилно и умерено топло
Од среда (6 август) до недела (10 август), времето ќе биде претежно сончево со температури од 30°C до 36°C. Утринските температури ќе се движат меѓу 17°C и 22°C. Најтопло ќе биде за викендот, кога максималната температура ќе достигне 35–36°C.
Од 11 до 17 август: повраток на екстремната жештина
Од понеделник (11 август) па сè до следната недела, се очекува нов интензивен топлотен бран. Температурите ќе се движат од 33°C (на 11 август) до 40°C (на 17 август, недела).
Топол бран ќе трае најмалку 7 дена, со дневни температури од 38–40°C и топли ноќи со минимални температури над 20°C.
18–19 август: продолжение на жештината
И почетокот на наредната недела останува врел – со дневни температури од 38°C и висока топлинска влажност.
Совет: Претстојниот период ќе биде сериозен тест за издржливоста на граѓаните, особено во урбаните средини. Пијте многу течности, ограничете активности на сонце и редовно освежувајте ги просториите.
