ДО 2030 ГОДИНА: Во Хрватска ќе работат пола милион странци

Во Хрватска до 2030 година ќе работат пола милион странци. 

Ова е според проценката на здруженијата на работодавци. Работници фалат во сите дејности, како и во трговијата каде платата е од 700 до 1.000 евра. Околу 30 отсто од странските работници се Непалци и Филипинци. За ХРТ, Мартин Евачиќ од Здружението на трговци вели дека Хрватска им служи како влезна порта за да отидат во европските земји каде платите се повисоки дури и ако се работи за трговија.  Вели дека луѓето имаат право да заминат таму каде што им е подобро. Средните училишта кои обучуваа трговци сега практично не постојат. Во Вараждин имало средношколски трговски центар, а сега не се запишува ниту еден клас трговци годишно. По Законот за трговија, трговецот треба да има најмалку завршено средно училиште. Додава дека поради недостигот на работна сила, вработуваат и луѓе со завршено основно училиште, пренесе Bizlife.