„Длабоко сум благодарена за довербата и поддршката“ – Георгиева останува да раководи со ММФ
Управниот одбор на Меѓународниот монетарен фонд (ММФ) синоќа соопшти дека генералната директорка Кристалина Георгиева доби уште еден мандат.
Вториот петгодишен мандат на Георгиева беше потврден со консензус.
Новиот мандат на Георгиева (70), која беше единствената кандидатка, ќе почне на 1 октомври, на крајот на нејзиниот досегашен мандат.
Тоа значи дека Георгиева, која беше единствениот кандидат во трката за шеф на Меѓународниот монетарен фонд, ќе остане на функцијата и кога нејзиниот сегашен мандат ќе заврши на 30 септември 2024 година.
Таа го води ММФ од 2019 година.
„Длабоко сум благодарна за довербата и поддршката на Извршниот одбор на Фондот, кој ги претставува нашите 190 членови, и чест ми е да продолжам да го водам ММФ како извршен директор“, рече Георгиева.
„Со нетрпение очекувам да продолжам да му служам на нашето членство, заедно со високо професионалниот и посветен персонал на ММФ“, додаде таа.
Георгиева, 70-годишна Бугарка, од почетокот на нејзиниот мандат, ММФ им помага на земјите кои се соочија со финансиски тешкотии за време на пандемијата на коронавирус и последиците предизвикани од руската инвазија на Украина, особено во Европа.
Според контроверзниот, повеќедецениски договор меѓу Европа и Соединетите Држави, со Меѓународниот монетарен фонд историски раководел Европеец, а Светската банка од Американец.
