Дистрибутерите на „Мерцедес“ се пожалија до Одборот дека брендот станува прескап
Грижите на дистрибутерите на Мерцедес изгледаат надреални на око, особено ако се земат предвид феноменалните продажни резултати во вториот квартал. Писмото што циркулираше низ трговската мрежа што го претставува елитниот бренд од Штутгарт до бордот на директори на компанијата содржи информации кои ги откриваат причините за загриженоста и незадоволството на дилерите.
Деловниот гнев е насочен кон врвот на раководството на Мерцедес, објави Бизнис инсајдер. Фокусот на незадоволството на трговците лежи во применетата деловна стратегија на компанијат која може да доведе до тоа традиционалните „мечкари“ да се свртат кон други германски, па дури и други премиум брендови. Дилерите го обвинуваат менаџментот дека ја насочува компанијата „со полна брзина кон непробоен ѕид“, а истовремено бараат прилагодување на ценовната политика на променетите пазарни услови.
Првото нешто што им паѓа во очи на трговците е поскапувањето на новите возила, особено изразено со преминот од една во друга генерација. Луѓето велат дека зголемувањето на цените повеќе не може да се оправда со дадените пазарни услови и дека како резултат на тоа, многу модели ќе испаднат од возните паркови што традиционалните купувачи ги обновуваат, само затоа што едноставно станале прескапи.
Клучните играчи во синџирот на снабдување со четири тркала на Мерцедес бараат да се преземат низа мерки за решавање на тековните проблеми. Првиот приоритет е намалувањето на цената. Тие наведуваат дека цените се зголемуваат и со промената на моделските години, што претставува дополнително даночно оптоварување за корпоративните клиенти.
Дистрибутерите на Мерцедес ја нагласуваат фаталната логика на дополнителниот пакет на возилата. Критиките се насочени кон идејата дека одредени артикли на опремата се нудат само преку збир на други детали, што доведува до драстично повисока цена, што е особено видливо кај претставниците во пониските сегменти, односно во А и Б класа. Дилерите бараат и значително поправедни одмерени цени за половни автомобили од други марки кои се дел од пакетот „старо за ново“ при купување ново возило. Луѓето наведуваат дека тоа е едноставно неопходно за барем делумно да се ублажат ефектите што ги создава налудничавата политика на цени.
Затоа забележлива е нервозата во слојот претставници на трговската мрежа на Мерцедес, а феноменалните бројки на продажбата немаа влијание врз тоа.
Продажбата на Mercedes во сегментот електрични возила скокна на 56.300 единици во вториот квартал, што е за 123 отсто подобар резултат.
